CIXAPU/TAPOTA. Taa, on wekatimyasi oroto okaco TCC enatkatopo taki tan on há okaco TCC há. Taa,
on yepu poko nasi Demarcação kaconhiri poko kyam wekatimyasi, ahce wa
demarca ketknene roowo Wai Wai komo roowon Trobetas-Mapuera yihcirme há.
ahce wa niciyatkene, ahce data ahce nunipo kacho. Ero poko tan nasi okaco TCC.
Taa, aldeia Mapuera nai município Oriximiná kacome, ero nasi amna nihtinori me há
município, Oriximiná kacho.
Taa, tuuna yetacitopo nai Rio Mapuera kacho me, taa, ero yewkuru kyaw no rma tan
moxam ha (on warai komo Cachorro e Nhamundá, Oriximiná. Oroto taki nai
tihtinosom há oroto no taki etacitopo nai hara Rio Trombetas-Mapuera kacome). Taa,
On warai komo taki natu oroto Demarcação kaxapu yaw taki há, on warai komo
yanan,Wai Wai, Hiskariyana, Kahyana, Tunayana, Txikiyana, Karapanyana,
Mawayana, Pirixiyana, Xerewyana, Xowyana, Katwena, Parikwoto. On warai komo
wa natu oroto há demarcação yaw taki há, on wecaki taki natu oroto tihtinosom me
há on warai komo yanan. FUNAI komo nihtinorime xa taki natu oroto Governo komo
marha, on wicaki yakenon há.
Taa, 1987 cimnipupo Governo komo nesencetkene Ministerio komo Justiça komo,
ahce wa ciratu índio komo roowon kacho poko nesencetkene há, FUNAI marha há
10
(INCRA marha), ero yimaw taki nesencetkene on wara ciratu hami índio komo
roowon há ketkene, Demarca kapore maki nai ham índio komo roowon há ketkene
taki, on cimnipupo ero wa nesencetkene há. Tihtinosom me ehtome índio komo há
ketkene.
Taa, ero yimaw taki niciyatkene há demarca kacho, yihcirme ka Governo komo
nenepene kmaiyew komo, yaro xa índio komo há kacome me há, Demarcação
citome taki yiwyaso há, taa, ero yimaw netapicketkene taki demarcação citopo komo
há, FUNAI komo yakro rma netapicketkene itore demarca kacho poko há TrombetasMapuera po. Yihciyatkene outubro 2004 po, karita yaka marha mewretkene, ero
yimaw narpetkene taki ministério yaka justiça yaka marha miya rma taki, karita yaka
cixapu Demarcação pokono há, yinihtinori komo me xa taki ehtome há TrombetasMapuera há.
Taa, ime taki Demarcação ketkene há Trombetas-Mapuera Wai Wai komo roowon
há, ime xa taki xakne Demarca kaxi Wai Wai komo roowon ha, ero nai amna
yewkuru tuuna rio trombetas kacome osoti, ero yaw tko nai karaiwa komo ixe ehtoko
komo ro maki há okwe, ero yanme thatwa oroto natu exporá ro maki há amna
roowon poko há oroto, ina thakwa cirixe natu hitrelétricas okwe, aldeia Mapuera
pono kayaritomo thakwa re pira nike há okwe, kiwirimakne me ixirike thakwa okwe.
Rio Mapuera amna yewkuru nihce uuma marha Oriximiná wece.
Ero wara maki nai Demarcação citoponho há Aldeia Mapuera há.
|
