Waἷ meíti, Pití merá maiya yorã meíti, naivo ivo piá meítἷ, ikiya noke Marubo, waἷ meítiro ramachta nõ meíti marivi naívo meíti, comunidade Paulinho, namã. Nõ aya shovití meíti rivi, nokӗ sheni rasἷni noke yosἷtise nõ anõ meíki nokӗ maἷsho.
Pití vaná õsi õsipakἷ merá mashõ piaya noke yora, askásho piti nõ meramá nawã tanáti iki yama, nawã vanãsho nõ anea wetsá, nokӗ vanãsho nõ anero wetsa aká. Askai veso kõya nokero nokӗ shovõsho. Vari tõmase wai akaya nokӗ, rakatinἷsho nõ mea naivo meítiro, anõsho kakataikἷ chinã paovo, pití imãinõ norise nõ piáma yora ashkãkἷ pimaí, anõ saíki piti ichná misi inã aki veso koya yora nokero. Nokӗ sheni wetsa rasἷ ipawa tõse nõ iki rivi. Piti tae yavorasἷ, atsá, kari, poa, mai wanἷ, pakasiõ, txepe, yovἷ, õsõἷ, askarasἷ nõ meráma waἷ meíti. Mani, sheki, wani, shõpa, kãká, warã, sãtítxa, taováta aka. Askarasἷ piti merá mashõ pií nõ veso kõa nokӗ maishõ. Waἷ meíti nawa nõ oἷma marívi, askashõ nokӗ meíti ramaro nõ kayá kaví akatsai, neskai nõ meiki tsikἷ nokero nã nokӗ raka tinἷsho veso kosho nokӗ tanatí
enema nokero. Anõpaí yora koἷsho noke piti vana eneimai nõ vesokõa naivo maἷsho. Nokӗ tanáti enemasvi, nokӗ meiti enemasvi, nokӗ vana petximasvi aki shokoya naivo maἷ. Nõ anõ vesótá pití.
|
