Nha’ã puracü rü nü’ü nanhema i wü’i ngugü i ngutcha’ügü i nhema’ῧ na nhunha’ãcüta mayügü’arü na’anewa nawa nhema’ῦca i norü mugü ya i’ane ya tcho’ügü’arü na nhe’amacü i du’ügü me’atama nü’ü na ngetcha’ῦ’ãcüma i’anewa ngema’ῦ. Nha’ã ngugü rü tumaca na o’ega’ã’ẽ ya norü dü’atagü ya mayugü i í’gü’e nhumatchi tama mayugü’ i í’gu’ecata ni’i, noturü ngewaca’ῦcü ya ta’ünecüwa, tü’ῦ nayata’üma i ngugüwae’ῧ nagagu i tama i torü cü’á nawa ngema ngütaqu’e’ẽgü, nagagü i nhema tama torü cü’á na ngema i ngutchaugü í’ãnewagü. Nhuma nha’ã puracü rü nu’ü ni’ütchiga torü i’ane ya Tabatchinga nama’a ya Beré, ya Eware umwa nhemane, nheta i norü na’ane i ya cu’auwa ya í’ane ya beré, pora’ãcüma na ngema ngutcha’ugü torü onagüwa. Nhegumaru’ῧ ya í’ane ya Tabatchinga me’a nu’ü nhema nugü na nü’ῧ norü í’anewa, nhegumarü’ῧ i nhuma ya da’a í’ane ya Beré rü tanawa’egü na nü’ῧ na nhema’ῧca norü mugü ya í’ane ya Beré erü í’ane ya Tabatchinga rü me’ãma nü’ῧ ni ü’ῧ i norü puracü. Nhegumarü’ῧ nha’ã tchorü puracü natchiga ni de’a i tuma’arü ngutcha’aegü ya ã’ẽgacügü, nhema tuma’arü ngutcha’ãẽgu na tama me’a tü’ῧ ya u’ῧ na nüna tadagü’ῧ ya tuma’arü nata’agu rü tuma’arü na’inecügu i nhumatchi tuma’arü i’ãnegü. Rü nhu’acü nagü tarü inu’ẽ namẽ’ẽga’ῧ tüma’arü na’ane ya dü’ῦtagü, nawa i tcho’ῧgu’arü mugü, noturü marütchire i nangema torü mugü i PGATI erü ta’üema nagü tapuracü nhema mugü na nuna na dagü’ῧca torü na’ãne i Éware umwa, nhuma rü ta ngiguma’a nü’ῧ ugu’ῧ i natchiga i mugü PGATIgü ã’ẽga’ῧ tama nü’ῧ i cu’ãῧ i tama torü ã’ẽgacü nagü puracüe’ü tchire torü na’ãne nagu’ῧca i tchuraragü na ngu’ane nü’ῧ cü’ ãüca.
|
