Tỳ jar ixte kagà hã ijapênh ho ixpa jakamã paj mẽ amã tanhmã na hten mẽ pigêtjaja nẽ mẽnywjê
axpẽnh mã awjakre ho pa jarẽnh kaxwyr, kaêx hã skore pê Mãtyk kamã kagà jakrehxwynhjê
paj mẽkukjêr kaxwyr, nẽ kwỳ jarẽnh kaxwỳr, skore pê Mãtyk kamã, krĩ pê krĩnhĩnuure kamã,
krĩ rax kapem- TO, nhũm hpre krĩ jakamã mẽ pigêtjaja xahtãh preh htem axpẽnh kôt ixwỳr mra
nẽ inhmã ujarẽnh ho krĩ nẽ mẽ harẽnh ho, nhũm xep ra mẽnywjê ra mẽmoj hã nohkêt par kôt
jarẽ, nẽ mẽ higêtjaja nẽ mẽ tukatyjaja mẽ xapumunh nẽ mẽ kot anhĩn hĩpêx tũm hã anhĩ nhĩpex
nhũm mẽ ra hã nohkêt par o mõ, jakamã pa kagàja kamã ixte hã ijapênh jakamã hakop nẽ wỳr
ixkator kaxwỳr, nẽ pẽrahpu na hten amnhĩ nhĩpex anhỹr ho pa, nẽ axte pyka kôt hapôj nẽ kamã
hakop kêt nẽ, nhũm mẽ tyk hã pyka ja nhũm mẽ ãm mỳrapê hamaxpêr kêt nẽ, kamã mẽ kot
tanhmã amnhĩ nhĩpêx to pumunh kêt, kot mẽ pyka kamã mẽ hagjênh ja kamã mẽ grer nẽ puhã
mẽ kot tanhmã amnhĩto kôt omunh kêt, kêr nhũm kagàja mẽ krãnhĩpêx nhũm mẽ kukamã
hamaxpêr kaxwyr na kagàja. Mããnẽnh, tanhmã na hte mẽ pigêtjaja mẽmoj ho anẽ, mẽnywjaja
mẽ kãm ujahkre. Paj ỹ kagàja kamã anhĩnhĩpex anẽ, Apinayejaja mẽ kot axpẽnh mã mẽmoj
jahkre ho pa xàh kôt omunh kaxwỳr.
|
